“Meta”nın CEO-su Mark Sukerberq bu həftə 6 min 500 sözlük "Gələcək Hər Kəs Üçündür" adlı məqalə yayımlayaraqsüni zəka ilə idarə olunan optimist bir gələcəkdən danışıb. O, "hər kəs sizi, məqsədlərinizi və dəyər verdiyiniz hər şeyi anlayan çox bacarıqlı şəxsi agentə sahib olacaq" bir gələcək təsvir edib.

TechCrunch-un “Equity” podkastının son bölümündə Kirsten Korosec, Rebeka Bellan və aparıcı Mark Sukerberqin baxışlarının hamı tərəfindən qəbul olunmadığını müzakirə ediblər. Eyni zamanda həmkarları Rassel Brandom da manifestonu "insanların süni zəkanı niyə sevmədiyini izah edən" mətn kimi qiymətləndirib.

Rebeka sukerberqi "Anthropic" şirkətinin CEO-su Dario Amodei ilə müqayisə edərək deyib ki, Meta rəhbəri özünü "demək olar ki, anti-Dario" kimi göstərməyə çalışır. Lakin problemin kökü Sukerberq və Meta-nın keçmişinə bağlıdır.

Rebeka Bellan fikrini belə davam etdirib: “Meta fərqli istiqamətdə uğur qazanmağa çalışır. Qapalı model laboratoriyalarında və açıq sahədə lider deyillər. Amma şəxsi səlahiyyətləşdirmə sahəsində, Sukerberqin "Gələcək Hər Kəs Üçündür" məktubunda vurğuladığı kimi, üstünlük qazanmaq niyyətindədirlər. İnsanların öz şəxsi süni zəka modellərini şəxsi cihazlarında istifadə etməsi üçün modellər təqdim etməyə çalışırlar.”

O əlavə edib ki, ötən il oxşar məktubda vəd edilirdi ki, süni zəkanın çoxu taxılan cihazlara, xüsusilə gözlüklərə yönələcək. Amma son avadanlıq forması hələ dəqiqləşməyib və bu seçim fərdlərin ixtiyarına buraxılır.

Onun fikrincə, istifadəçilər yeni "Glimmer" süni zəka modelindən planlarını idarə etmək, mesajlar yazmaq, faylları təşkil etmək üçün istifadə edəcəklər. Model daim aktiv olacaq, istənilən vaxt, istənilən yerdə, internet bağlantısından asılı olmayaraq işləyəcək. Bununla yanaşı, "Muse Spark" modeli hələ də mövcuddur. Bu onlara ən qabiliyyətli modellər üzərində nəzarət saxlamağa və daha böyük layihələr üçün gəlir əldə etməyə imkan verir.

Podkastın aparıcısı Entoni Ha xatırladıb ki, "Meta" süni zəka sahəsinə böyük investisiyalar qoyub. Ötən il süni zəka mütəxəssislərinə yüksək maaşlar təklif etdikləri barədə xəbərlər yayılsa da, qabaqcıl laboratoriyalar sırasına daxil deyil.

Entoni deyib: „Əlavə olaraq, məşhur süni zəka chatbot-larının əksəriyyəti "Meta" şirkəti ilə əlaqələndirilmir. İnsanlar Instagram və Facebook-da "Meta"nın AI vasitələrindən istifadə etsələr də, şəxsi köməkçi kimi "Meta" hazırda tanınmır. Bu baxımdan şirkət mövqeyini yenidən qurmağa çalışır və əvvəllər uğur qazanmadığı sahədə yer tutmaq istəyir.”

Rebeka da əlavə edib ki, Sukerberq şirkətinin insanlara nə vəd etdiyini göstərən vizionlar yaratmağı sevir. Hazırda “Llama” modeli açıq mənbədir və yaxşıdır, amma adi istifadəçilər necə istifadə edir? Çox vaxt qorxulu chatbotlarla qarşılaşırlar.

Kirsten Korosec bildirib ki, manifesto bir çox insanda doğru təsir yaratmayıb. Rasselin məqaləsində qeyd etdiyi kimi, insanların süni zəkanı sevməməsinin əsas səbəbi Sukerberqdən gələn bəyanatlardır. Onun fikirləri çox optimistikdir və süni zəkanı insanlıq üçün mükəmməl vasitə kimi təqdim edir. Bəlkə belədir, amma bunun böyük mənfi tərəfləri olacaq və məhz bu səbəbdən mənfi reaksiyalar geniş yayılıb.

Rebeka əlavə edib ki, Frontier laboratoriyalarında bəziləri inkişaf tempini yavaşlatmağı müzakirə edir, lakin Sukerberq deyir ki, "biz dayanmayacağıq, Çinə güzəşt olmaz, yavaşlama yalnız insanlara zərər verər, çünki onlar bu texnologiya ilə güclənəcəklər."

Kirsten Korosecin fikrincə, "Muse Glimmer" hələ hər kəs üçün əlçatan deyil, xüsusi avadanlıq tələb olunur. Ümumi istifadəçilər üçün yaxın zamanlarda əlçatan olması ehtimal edilmir.

Entoni Ha belə uzun manifestodakı tək müsbət məqamın Sukerberqin bir cümləsi olduğunu deyib: “Əgər süni zəka ilə bağlı pessimistiksiniz və düşünürsünüz ki, süni zəka belə bir gələcək gətirəcək, niyə bu işi görürsünüz?”

Bu fikrin ədalətli olduğunu söyləyən Entoni əlavə edib ki, onun əsas qənaəti süni zəkanın gələcəyinin mükəmməl olmamasıdır, amma bu proqnozları irəli sürüb buna baxmayaraq fəaliyyət göstərən insanları düşündürür.

O həmçinin Rasselin məqamına toxunaraq deyib ki, Sukerberq və Meta-ya qarşı insanlar arasında müəyyən şübhələr mövcuddur. Onlar yaxın aylarda yeni çıxacaq Facebook filmi ilə artacaq. Eyni zamanda süni zəka şirkətlərinin təqdim etdiyi gələcək obrazı da ictimai reaksiyanı formalaşdırır. Sam Altman və Mark Sukerberq kimi şəxslərin süni zəkanın gələcəyi barədə proqnoz verdiyi vaxt tez-tez kütləvi tənqidlərlə üzləşirlər.

Məsələn, Sam Altmanın uşaqların maraqları əsasında podcast hazırlamaq ideyası tənqid olunub, insanlar "Niyə sadəcə uşağınla danışmırsan?" deyiblər.

Manifestonun yarısı sadəcə "bu, yaradıcılığı və ixtiranı azad edəcək" kimi abstrakt ideyalardan ibarətdir. Süni zəka skeptiklərini inandıra bilməz, çünki bu, inanılmaz görünür. Daha konkret mövzular – şəxsi məşqçi və köməkçilər haqqında hissələr bəzi istifadəçilərə cəlbedici olsa da, əksəriyyətinə xitab etmir.