Meta-nın rəhbəri Mark Sukerberq və həyat yoldaşı Priscilla Çan İrlandiyada yerləşən Strankalli qalası və ona aid 440 akrlıq malikanəni bir neçə həftə əvvəl satın alıblar. "The Irish Times" qəzeti yazır. Satınalmanın dəqiq məbləği açıqlanmasa da, ailənin, əvvəlki sahibləri tərəfindən bərpa edilmiş və 16 min kvadrat fut sahəsi olan qala üçün 20-30 milyon avro arasında pul ödədiyi güman edilir.

Qəzetə açıqlama verən sözçü deyib: "Mark və ailəsi bu tarixi evə qayğı göstərməyə davam etməkdən məmnundurlar və Meta-nın beynəlxalq qərargahının yerləşdiyi İrlandiyada vaxt keçirməyi səbirsizliklə gözləyirlər". Eyni zamanda, Sukerberq və Çanın hələ də ABŞ-da yaşayacağı bildirilir.

Strankalli qalası təxminən 1830-cu ildə Tory partiyasından olan parlament üzvü üçün tikilib. Qalanın əvvəlki sahibləri özəl investisiya şirkətinin qurucularından biri Maykl Alen-Bakli və həyat yoldaşı Ciansarla idilər.

Sukerberqin Palo Alto-da 11-dən çox mülkiyyəti, həmçinin Florida, Vaşinqton və Havayda mülkləri olduğu bildirilir.