Kiprin Pila kəndində rus gəncin meyiti tapılıb

News.ru yazır ki, Kiprin Pila kəndində 22 yaşlı rus gəncinin meyiti dalğayaqıran yaxınlığında tapılıb. Meyit turizm zonasında, qayaların üstündə aşkarlanıb.

Hadisə yerinə çağırılan təcili tibbi yardım və xilasedicilər gənci sudan çıxarıb, ilk tibbi yardım göstərdikdən sonra Larnaka Baş Hospitalına çatdırıblar. Orada həkimlər gəncin vəfat etdiyini təsdiqləyiblər.

Məlum olub ki, ölən şəxs Rusiyanın vətəndaşıdır və Kipr adasında daimi yaşayırmış. Polis rus səfirliyi vasitəsilə mərhumun yaxınlarını tapmaq üçün tədbirlər görür. Pila kəndi BMT-nin Kiprdəki tampon zonasının şərq hissəsində, Larnaka dairəsində yerləşir.

Əvvəlcə Abxaziya Daxili İşlər Nazirliyi rus turisti qətlə yetirilməsini təsdiqləyib. Hüquq-mühafizə orqanları 2001-ci il təvəllüdlü, Qaqrada müvəqqəti yaşayan və işləyən kişinin saxlandığını bildiriblər. O, 23 sentyabr axşamı həmin rus qadınla görüşüb, birgə taksi ilə Pszahara kəndində kirayə evə gediblər.