Tayvan prokurorluğu maliyyə xəbərləri mənbələrinə istinadən bildirir ki, üç nəfər "NVIDIA" şirkətinin çiplərini ən azı bir partiyada Çinə gizli şəkildə nəql edib, sonra isə onları Yaponiyaya ixrac ediblər. Bu məlumatın dərhal təsdiqlənməsi mümkün olmayıb.

Qeyd edək ki, "NVIDIA" 2027-ci ilin birinci maliyyə rübü üçün maliyyə nəticələrini mayın 20-də açıqlayıb. Şirkət həmin dövrdə 81,6 milyard dollar gəlir əldə edərək əvvəlki rübə nisbətən 20 faiz, ötən ilin eyni dövrünə nisbətən isə 85 faiz artım nümayiş etdirib. Ümumi mənfəət marjası GAAP və qeyri-GAAP standartları üzrə müvafiq olaraq 74,9 faiz və 75 faiz təşkil edib, hər səhm üçün dilüsiya edilmiş gəlir isə GAAP üzrə 2,39 dollar, qeyri-GAAP üzrə 1,87 dollar olub.

Şirkətin İdarə Heyəti 2026-cı ilin may ayında səhmlərin geri alınması üçün əlavə 80 milyard dollar resurs ayrılmasını təsdiqləyib. Bundan başqa, "NVIDIA" ümumi səhmlər üçün kvartal üzrə ödəniləcək nağd dividend məbləğini 0,01 dollardan 0,25 dollara qaldırıb. Bu ödəniş 2026-cı il iyunun 26-da paylanacaq və iyunun 4-də səhmdarlar siyahısına düşənlərə aid olacaq.

"NVIDIA" kompüter qrafik prosessorları, çipsetlər və digər multimedia proqram təminatını layihələndirir və istehsal edir. Şirkət hesablama və şəbəkə, həmçinin qrafik prosessor vahidi (GPU) seqmentlərində fəaliyyət göstərir.