İraqın Ərbil şəhərində güclü partlayış baş verib

News.ru yazır ki, İraqın şimalındakı Ərbil şəhərində partlayış baş verib. İran telekanalı Press TV partlayış barədə məlumat yayıb, lakin nəticələri və xəsarət alanlar haqqında heç bir informasiya verilmir.

Bir neçə gün əvvəl ABŞ rəhbərliyi altında olan beynəlxalq koalisiya İraqdakı bütün hərbi obyektləri ölkənin öz qüvvələrinə təhvil verib. İraqın təhlükəsizlik orqanlarının mətbuat katibi Saad Maan qeyd edib ki, sentyabrın 30-dan sonra koalisiya qüvvələrinin ölkədə döyüş və təlim məqsədli birləşmələri qalmayacaq. İraq ordusu ölkənin təhlükəsizliyini koalisiya güclərinin çıxışından sonra təmin etməyə hazırdır.

Maan əlavə edib ki, İraq ilə koalisiya ölkələri arasındakı əlaqələr ikitərəfli əsaslarla qurulacaq.

Əvvəlki məlumatlara görə, İraqdan Suriya üzərindən Aralıq dənizinə yeni neft kəməri layihəsinin həyata keçirilməsi azı dörd il və 15 milyard dollar xərc tələb edə bilər. İraqın Alsumaria News portalı mənbələrə istinadla xəbər verib ki, bu təşəbbüs neft sektorunun Ormuz boğazından asılılığını azaltmaq məqsədini daşıyır.