İranın etiraz hərəkatı haqqında film kino tarixində yenilik edir. "Dreams of Violets" tam süni intellektlə hazırlanmış ilk uzunmetraj film kimi beynəlxalq festival tərəfindən seçilib. 75 dəqiqəlik dram gələn həftə Nyu-Yorkda keçiriləcək Tribeka Festivalında təqdim olunacaq.

İran vətəndaşı, Böyük Britaniyada yaşayan rejissor Aş Kuşa filmə yalnız Londondakı evindən üç ay ərzində çəkib. Onun sözlərinə görə, layihənin ümumi xərci 2 min avrodan azdır. Aktyorlar, kameralar, səhnə və film qrupu istifadə olunmayıb. Kuşa bildirir ki, bu əsəri ənənəvi üsullarla hazırlamaq mümkün olmazdı.

Sürgündə yaşayan rejissor İranda təhlükəsiz şəraitdə çəkiliş edə bilmədiyindən süni intellektdən istifadə edərək hökumət əleyhinə etirazçılara qarşı həyata keçirilən amansız təzyiqləri yenidən yaratmaq niyyətindədir. Film jurnalist araşdırmaları, fotoşəkillər və şahid ifadələri əsasında qurulub və yaddaş, senzura, müqavimət mövzularını əhatə edir.

Tribeka festivalı tam süni intellektlə hazırlanmış uzunmetraj filmini qəbul edən ilk böyük festival olaraq bu iş ətrafında müzakirələri də canlandırır. Süni intellekt insani hekayələri dərinliklə danışa bilərmi? AI kino sənayesini demokratikləşdirir, yoxsa təhlükə yaradır? Bu mövzuda Eve Cekson Aş Kuşa ilə İran, əxlaq və kinonun gələcəyi barədə söhbət aparır.