Harvard Biznes Məktəbi fərdi rəy vermək məqsədilə süni intellekt avatarlarından istifadə edir.

Bu avatarları HeyGen startapı yaradıb. Onlar səkkiz həftə davam edən və hər həftə canlı müəllimlərlə məşğələlər təklif edən, 699 dollar dəyərində olan HBS Foundry sahibkarlıq təlim proqramına daxildir. Süni intellekt avatarları isə təqdimatlarda və idarə heyəti görüşlərində rəy verir.

"New York Times" jurnalisti Sarah Kessler bunu özündə sınaqdan keçirib. O, flybridj kapitalın həmtəsisçisi Jeff Bussgang-un süni intellekt tərəfindən yaradılmış nüsxəsini təqdim edib. Həm real Bussgang, həm də onun virtual surəti “bananlar üçün Uber” planından təsirlənməsə də, Kessler bildirib ki, virtual avatarda təqdimat zamanı donmuş təbəssüm nəzərə çarpırdı.

Layihə rəhbəri Katharina Rings AI komponentini əvvəlcə chatbot kimi təsəvvür edirdi. Lakin HBS test versiyasını təqdim etdikdən sonra tələbələr daha istiqamətləndirici təcrübə istəyiblər.

Bəzi universitet tələbələri süni intellektə qarşı mənfi münasibətlərini gizlətməsələr də, "Foundry" proqramının iştirakçıları avatarları bəyəndiklərini bildiriblər. Bussgang rəqəmsal nüsxəsinin bir az "qorxuducu" olduğunu etiraf edib, amma əlavə edib ki, "tələbələrim onu çox sevir".