Copenhagen Infrastructure Partners (CIP) Copenhagen Infrastructure IV adından 500MW gücündə Devilla batareya saxlama layihəsində azlıq paylarını Skot Milli İnvestisiya Bankı və Nuclear Liabilities Fonduna satmaq barədə razılığa gəlib.

Hazırda Skotlanın Kinkardin bölgəsində inşa mərhələsində olan obyektin 2028-ci ildə istifadəyə verilməsi planlaşdırılır.

Layihə Avropanın ən böyük batareya saxlama quraşdırmalarından biri olacaq.

Devilla layihəsində litium-ion (Li-ion) texnologiyasından istifadə olunur və iki saatlıq enerji saxlayır.

Layihə SSE ilə onillik optimizasiya müqaviləsi və 15 illik tutum bazarı müqaviləsi kimi bir sıra müqavilələrlə dəstəklənir.

Bu razılaşmalar uzunmüddətli sabit gəlirin əldə olunmasına kömək edərək layihənin bazar dalğalanmalarından faydalanmasını təmin edir.

Nuclear Liabilities Fondun rəhbəri Melissa Hope bildirdi: “NLF CIP və Bankla bu batareya saxlama layihəsində tərəfdaşlıqdan məmnundur. Bu investisiya strateji yatırım məqsədlərimizə uyğundur və Böyük Britaniyanın enerji təhlükəsizliyi və iqtisadi inkişafını dəstəkləyir.”

CIP layihədə azlıq payını satacaq, lakin layihənin inşaat mərhələsində əsas payı saxlayaraq layihəni idarə etməyə davam edəcək.

Devilla layihəsi CIP-nin Alcemi ilə birgə Skotlanqda inkişaf etdirdiyi üç batareya saxlama sistemindən biridir. Üçlükdə 1,5GW gücündə elektrik təchizatı və 3GW-saat enerji yığımı mümkün olacaq, bu da təxminən 4,5 milyon evin iki saat elektriklə təmin olunmasına bərabərdir.

CIP həmçinin Skotlanq və İngiltərədə əlavə 4,5GW batareya saxlama layihələri üzərində işləyir.

CIP partnyoru Nişçal Agarwal dedi: “CIP-in Böyük Britaniya batareya enerji saxlama sistemləri portfeli inkişaf etdikcə Skot Milli İnvestisiya Bankı və Nuclear Liabilities Fondunu Devilla saytında yeni sərmayəçi kimi salamlamağa şadıq. Devilla 2028-ci ildə istifadəyə verildikdə Avropanın ən böyük əməliyyat batareya saxlama layihələrindən biri olacaq. Devilla ilə yanaşı CIP-in Coalburn 1 və 2 layihələrinin həyata keçirilməsi Böyük Britaniyanın enerji təhlükəsizliyini yüksəldəcək və daha çox ucuz bərpa olunan enerji mənbəyinə giriş imkanları yaradaraq Britaniya istehlakçıları üçün xərcləri azaldacaq.”

Bu ilin aprel ayında CIP, Growth Markets Fund II vasitəsilə Çilidə 300MW/1 500MW saatlıq Patache layihəsi üçün tikintinin başlanması rəsmən elan edilib.