Böyük Britaniyada ABŞ-a məxsus hərbi təyyarələri partlatmaq planı alt edildi

Ukrainskaya Pravda yazır ki, Böyük Britaniya polisi RAF Fairford aviabazasına terror aktı hazırlığı ilə bağlı 5 nəfəri həbs edib. Şübhəlilər ABŞ strateji bombaçılarına zərər vermək məqsədilə terror aktı planlaşdırırmışlar.

Hüquq mühafizə orqanlarının məlumatına görə, həmin şəxslər hərbi obyektə daxil olaraq ABŞ-ın burada yerləşən bombaçı təyyarələrini partlatmaq niyyətində olublar. Bu təyyarələr İrana qarşı əməliyyatlarda iştirak edir.

Hadisə günü bazaya doğru üç şübhəli yük maşını yaxınlaşdığı barədə məlumat daxil olub. Polis həmin maşınları Velford rayonunun yaxınlığında saxlayıb.

Partlayıcı maddələrin zərərsizləşdirilməsi üçün polislər robotdan istifadə edib, təhlükənin yüksək olması səbəbindən ətrafda 400 metrlik təhlükəsizlik zonası yaradılıb, 85 evin sakinləri təxliyə olunub.

Əvvəlcə şəxslər partlayıcılarla bağlı qanunu pozduqları üçün saxlanıblar, sonradan cinayəti terrorizm maddəsi üzrə qiymətləndirilib. Başlıca milli antiterror koordinatoru Viki Evans onların istintaq zamanı həbsdə qaldığını bildirib.

ABŞ Prezidenti Donald Tramp polis və hüquq-mühafizə orqanlarının fəaliyyətini yüksək qiymətləndirib. O, terrorçuların böyük zərər vurmaq niyyətində olduğunu və britaniyalılarla əməkdaşlığın uğurlu olduğunu deyib.

Böyük Britaniya Baş naziri Endi Bernem isə rəsmi istintaq bitənə qədər cəmiyyəti ehtiyatlı olmağa çağırıb.

RAF Fairford bazası ABŞ-ın Böyük Britaniyada ən önəmli hərbi obyektidir və 501-ci qanadın qərargahı da burada yerləşir. 420-cı eskadriya burada dislokasiya olunub və İran əleyhinə aksiya hazırlayan bombaçı təyyarələr buradan fəaliyyət göstərir.

Reuters xəbər agentliyi daha əvvəl bazada təhlükəsizlik tədbirlərinin gücləndiyini, Financial Times isə ABŞ-ın Cənub-Qərbi Avropa ölkələrindəki obyektlərinə nəzarəti artırdığını yazmışdı.

Böyük Britaniya xüsusi xidmətləri İranla əlaqəli qrupların aktivləşdiyini təkrar-təkrar qeydə alıb və Böyük Britaniyada terror riski artdığı barədə xəbərdarlıq verib.