Böyük Britaniya 16 yaşadək uşaqların sosial şəbəkədən istifadəsini məhdudlaşdırır

Ukrainskaya Pravda yazır ki, Böyük Britaniyanın mədəniyyət naziri Liza Nandi açıqlayıb ki, ölkədə 16 yaşdan kiçik uşaqların sosial şəbəkələrdən istifadə qadağası gələn ilin martından qüvvəyə minəcək.

Nandi bu qadağanın Böyük Britaniyanı onlayn təhlükəsizlik sahəsində lider və öncü edəcəyini bildirib. Nazir, həmçinin bu addımın uşaqların hüquqlarını köklü şəkildə dəyişdirəcəyinə əmin olduğunu ifadə edib.

Ötən iyun ayında isə sabiq baş nazir Kir Starmer ölkədə 16 yaşadək şəxslərin sosial şəbəkələrə girişinin qadağan ediləcəyini və oyun platformaları ilə canlı yayımlar xidmətlərinə məhdudiyyətlərin tətbiq olunacağını açıqlamışdı.

İyulda isə hökumətin 16–17 yaşlılar üçün gecə saatlarında sosial şəbəkə tətbiqlərinin istifadəsini məhdudlaşdıracağı barədə məlumatlar yayılmışdı.