Boox ən kiçik e-oxuyucusunun yeni versiyasını təqdim edib. Yeni model Go 6 (Gen II) əvvəllki kimi 6 düymlük, 300PPI E Ink ekranla təchiz olunub, amma RAM 2GB-dan 3GB-a yüksəldilib. Cihaz artıq Boox-un InkSense Plus stilusunu dəstəkləyir. Stilusdan eskiz çəkmək, sənədləri qeyd etmək və əl yazısı ilə qeyd aparmaq üçün istifadə etmək olar.

Boox Go 6 (Gen II) hazırda 199,99 dollara əvvəlcədən sifarişə çıxarılıb və iyunun 17-də satışa veriləcək. 45,99 dollarlıq InkSense Plus stilusu qiymətə daxil deyil, lakin onu e-oxuyucu ilə birlikdə 232,99 dollara almaq mümkündür. Bu, 6 düymlük ekranlı başlanğıc səviyyəli Amazon Kindle və Kobo Clara BW modellərindən bahadır. Yenilik ondan ibarətdir ki, Go 6 Android 11 əsasında işləyir və Google Play Store-u dəstəkləyir. Beləliklə həm Amazon, həm də Kobo platformalarının tətbiqlərini quraşdırmaq və hər iki e-kitab mağazasına çıxış əldə etmək mümkündür.

Yeni e-oxuyucunun yazı təcrübəsi 449 dollarlıq Remarkable Paper Pro Move kimi modellər qədər inkişaf etmiş olmaya bilər. Amma Android sayəsində qeydlər aparmaq üçün çoxsaylı tətbiqlərdən istifadə etmək və qeydləri müxtəlif platformalar arasında sinxronlaşdırmaq üstünlüyü yaranır.

Boox Go 6 (Gen II) Kindle və Kobo e-oxuyucularındakı rəng temperaturu tənzimlənən ekran işığı, Wi-Fi, Bluetooth və uzunömürlü 1.500mAh-lıq batareya kimi əsas xüsusiyyətləri saxlayır. Lakin rəqiblərindən fərqli olaraq, bu model 32GB daxili yaddaşa malikdir və microSD kart vasitəsilə yaddaşı xeyli artırmaq mümkündür.