Apple-a haptik texnologiya patentləri üzrə 5,7 milyard dollar cərimə kəsildi

The Verge yazır ki, 2021-ci ildə haptik texnologiya şirkəti Taction Apple-ı iki patentini pozmaqda ittiham edərək məhkəməyə verib.

San Dieqodakı federal jüri həmin iddiaları qəbul edib və Apple-ın Taction-a 5,7 milyard dollardan çox məbləğdə zərər ödəməsinə qərar verib.

Məhkəmə prosesində patent nömrələri 10,659,885 və 10,820,117 olan texnologiyalar əsas müzakirə mövzusu olub. Bu patentlər cihazın istifadəçinin daxil etdiyi əmrlərə cavab verməsini hiss etdirən vibrasiya əsaslı transduser texnologiyasına aid idi.

Taction bildirib ki, Apple-ın Apple Watch və iPhone-larında istifadə olunan Taptic Engine adlı texnologiya onların patentləri əsasında olub, lakin şirkət buna görə müvafiq icazə almamışdı. Jüri Apple-ın bir patentdə iki, digərində isə bir ittihamı pozduğunu təsdiqləyib. Lakin Apple-ın qəsdən patentləri pozması sübut edilməyib.

Apple qərara etiraz edərək apellyasiya verəcəyini açıqlayıb. Şirkətdən əlavə açıqlama gözlənilir.