Alternativa dla Germaniya 2027-ci ildə forum təşkil etməyi planlaşdırır

Ukrainskaya Pravda yazır ki, Almaniyanın ultrasağçı Alternativa dla Germaniya (AdG) partiyası 2027-ci ildə ABŞ, Rusiya və Almaniya nümayəndələrinin iştirak edəcəyi biznes-forumun təşkilinə hazırlaşır.

AdG fraksiyasının Bundestaqdakı sədr müavini Markus Fronmayer "İzvestiya"ya açıqlamasında bildirib ki, partiyası Rusiyanın rəhbəri Vladimir Putinin xüsusi nümayəndəsi Kirill Dmitriyevlə forumun keçirilməsi barədə əlaqə saxlayır.

Fronmayer həmçinin vurğulayıb ki, forumda Şimal axını boru kəmərinin bərpası və iqtisadi əməkdaşlıq məsələləri müzakirə olunacaq.

Kirill Dmitriyev əvvəlcə Rusiyanın bu tədbiri 2027-ci ildə təşkil etməyə hazır olduğunu bildirmişdi. ABŞ rəsmiləri isə hələ forumda iştirakları barədə rəsmi açıqlama verməyib.

Reuters informasiya agentliyi daha əvvəl bildirmişdi ki, Dmitriyev və AdG rəhbərliyi 2027-ci ildə Almaniyaya Rusiya qazının tədarükünün bərpasını müzakirə etmək üçün görüş hazırlayırlar.

Forum ideyası Almaniyada Yaşıllar partiyası və Xristian-Demokrat İttifaqı tərəfindən tənqid olunub. AdG üzvlərindən isə may ayında Rusiya qazına tətbiq olunan boykotu dayandırmaq çağırışları səslənmişdi.