Alman idman geyimi istehsalçısı Adidas Rusiyada ticarət nişanını qeydiyyatdan keçirib

Alman idman geyimi istehsalçısı Adidas brendini Rusiyada 2035-ci ilə qədər hüquqi müdafiə ilə təmin edib. Bu barədə məlumatlar Rospatent sənədlərində yer alıb, sənədləri RİA Novosti araşdırıb. Sənədlərdə göstərilir ki, loqotipin qeydiyyatı üçün müraciət şirkət tərəfindən 2025-ci ilin iyulunda verilib.

2026-cı ilin oktyabrında müvafiq qurum müraciəti təsdiqləyib və nişanın müdafiəsini 2035-ci ilə qədər gaglıyıb. Nəticədə Adidas Rusiyada geyim, ayaqqabı, baş geyimləri, çantalar, zərgərlik əşyaları, saat və qulaqlıq satmaq imkanına malik olub. Eyni zamanda, şirkət idxal-ixrac agenti kimi fəaliyyət göstərə bilər.

Adidas AG-nin tarixi 1924-cü ildə başlayıb, şirkəti Adolf Dassler qurub. Bu gün Adidas idman ayaqqabı, avadanlıq və ləvazimat bazarında liderlərdəndir.

Adidas brendi ilə Rusiyada pərakəndə və onlayn satış 2022-ci ilin martında dayandırılıb. Ticarət nişanının qeydiyyatı şirkətin gələcəkdə Rusiyaya qayıtması üçün hüquqi baza yaradır.

Əvvəl xəbər verilib ki, Cənubi Koreyanın Hyundai və Kia avtomobil konsernləri Rusiyaya maraq itirməyib. Cənubi Koreyanın Rusiyadakı səfiri Li Sok Pe bildirib ki, onlar geri qayıtmaq variantlarını nəzərdən keçirirlər.