Süni intellektin əmək bazarını dəyişdirməsi barədə xəbərlər işçiləri növbəti ixtisarların onların da başına gələcəyindən narahat edir.

Yeni məlumatlar göstərir ki, bu narahatlıqlar yaxın vaxtlarda aradan qalxmayacaq.

ABŞ-da may ayında işəgötürənlər 2020-ci ilin pandemiya dövründəki ixtisar səviyyəsinə bərabər olacaq şəkildə 97 min işçinin işdən çıxarılmasını elan edib. Bunların 40 faizi süni intellektlə əlaqələndirilir.

Amma bəzi ekspertlər hər ixtisarın süni intellektin işçi əvəzləməsi olmadığını diqqətə çatdırır.

Hutchins Data Strategy Consultants şirkətinin təsisçisi və CEO-su Kris Haçins "Repetitiv, əsasən nümunələrin tanınması və təfsiri tələb edən işlərdə süni intellekt daha effektiv istifadə edilə bilər" deyib. "Əgər ixtisarlar bu funksiyaları aşarsa və süni intellekt günahlandırılırsa, deməli, əsl səbəb başqa amildir."

Başqa sözlə, işəgötürənlərin süni intellekti ixtisarların səbəbi kimi göstərməsi artır, amma texnologiyanın real təsiri daha mürəkkəbdir.

5 ay ərzində süni intellektə aid edilən ixtisar sayı ötən ilin tam göstəricisini ötüb. 2026-cı ilin may ayına kimi süni intellektə bağlı 87 min 714 işçi ixtisarı olub, 2025-ci ildə isə 54 min 836.

ABŞ-ın Pew Araşdırmalar Mərkəzinin 2025-ci ilin sorğusu göstərib ki, işçilərin 52 faizi süni intellektin gələcəkdə iş yerlərinə təsirindən narahatdır, 3-dən biri isə texnologiyadan təlaş hiss edir.

Bir çox böyük texnoloji şirkətlər bu il işçi ixtisarlarını açıqlayarkən süni intellektə investisiyaları da artırırlar.

"Oracle" ötən il təxminən 21 min işçini işdən çıxardığını açıqlayıb. "Google" isə ixtisarları performans qiymətləndirmələri, alış proqramları və təşkilati dəyişikliklərlə davam etdirir. Xarici təxminlərə görə, 2026-cı ildə mühəndis heyətindən 1 500-3 000 nəfər azalıb.