ABŞ Dövlət katibi Marko Rubio Vaşinqtonda keçirilən danışıqlardan sonra Livan və İsrail arasında razılaşma çərçivəsini açıqlayıb.

Razılaşmanın detalları hələ azdır. Rubio cümə günü çıxışında bu razılaşmanın Yalnız gələcək danışıqlar üçün “ilk addım” olduğunu söyləyib.

“Bu başlanğcın başlanğıcıdır,” deyə Rubio həm Livan, həm də İsrail nümayəndələri qarşısında bildirib.

“Önümüzdə çox iş var. Qarşımızdakı vəzifənin çətinliyini az qiymətləndirmirik, lakin vacibliyini və nə qədər həyati olduğunu anlayırıq.”

Həftə ərzində ABŞ vasitəçiliyi ilə keçirilən üç günlük danışıqlara tərəflər Vaşinqtonda toplaşmışdı. Danışıqlar çərşənbə günü başlayıb.

Livanda davam edən döyüşlər İran və ABŞ arasında atəşkəs təminatı səylərinə təhdid yaradır.

İyunun 17-də ABŞ və İran ABŞ-İsrail müharibəsini dayandırmaq üçün razılaşma memorandumuna imza atıb. 14 bəndli sənəd “bütün cəbhələrdə, o cümlədən Livanda” hərbi əməliyyatların dərhal və daimi dayandırılmasını tələb edir.

Ancaq İsrail Livanın təxminən beşdə birini işğal edib və memorandum imzalandıqdan sonra ölkəni bombardman etməyə davam etdirib.

Keçən cümə tərəflər atəşkəs razılaşmasına gəlib, lakin İsrail qoşunları Cənubi Livanda qalır. Hətta hücumlar azalsa da, dayandırılmayıb.

Livanın Hizbullah qruplaşması İsraili ölkədən çıxmağa çağırır və bunun sülh üçün vacib şərt olduğunu bildirir. Hizbullah lideri Naim Qassem deyib: “İsrail şərtsiz ölkədən çıxmalıdır.”