ABŞ Prezidenti Donald Trampın məşhur anime və manga obrazlarından sosial mediada istifadəsinə Yaponiya daxilində narazılıq artır.

Məhz mart ayından etibarən Trampın Pikachu, Naruto və Yu-Gi-Oh! kimi simvolik yapon animasiya obrazlarının şəkillərini paylaşması və bəzən özünü bu obrazlar kimi təsvir etməsi diqqət çəkib.

Hal-hazırda təxminən 20 min nəfər onlayn petisiyaya imza atıb və orada prezidentin həmin obrazların dəyərlərini paylaşmadığını, siyasi məqsədlərlə istifadə etməsinin isə müəllif hüquqlarını poza biləcəyini bildirirlər.

"Pokémon Company International" Trampın öz obrazlarından istifadəsini qınayıb. Digər hüquq sahibləri və Ağ Ev rəsmiləri ilə əlaqə saxlanılıb.

Petisiya mart ayında, bir neçə Tramp paylaşımı yapon manga pərəstişkarlarının diqqətini çəkəndə başlanılıb.

Ağ Ev-in rəsmi X hesabı ABŞ-ın İrana qarşı hərbi zərbələrinin görüntülərini "Yu-Gi-Oh!" və "Dragon Ball"dan kliplərlə birləşdirən videolar yayımlayıb. Bir gün əvvəl həmin hesab "Make America Great Again" ifadəsinin üstündə "Pokémon Pokopia" oyunundan kadr kimi görünən şəkil yerləşdirib.

Petisiya, Trampın Truth Social platformasında özünü Naruto Uzumaki kimi təqdim etdiyi videonu paylaşmasından sonra yenidən gündəmə gəlib. Naruto, məşhur anime və manga seriyasının gənc ninja obrazıdır.

Petisiyada və sosial mediada Naruto obrazlarının siyasi məqsədlərlə istifadəsinə etiraz edilir və bu addımın orijinal müəlliflərin niyyətlərinə zidd olduğu vurğulanır.

"Uzun illərdir ki, bu əsərlər cəsarət, dostluq və əzmkarlıq kimi dəyərləri dünyaya çatdıraraq tamaşaçıları ilhamlandırır," petisiyada deyilir.

"Buna görə də çox sayda pərəstişkar əsərlərin obrazlarının siyasi və hərbi kontekstdə istifadə edilməsindən narahatdır, çünki bu, orijinal müəlliflərin və ya hüquq sahiblərinin niyyətlərinə uyğun olmaya bilər."

Bununla belə, azlıq təşkil edən pərəstişkar qrupu Trampın bu şəkillərdən istifadəsini əyləncəli və Naruto-nun beynəlxalq şöhrətini artıran bir faktor kimi qiymətləndirir.

"Pokémon Company International" isə Ağ Ev-in öz obrazlarından istifadə üçün icazə almadığını açıqlayıb.

Şirkətin sözçüsü Sravanthi Dev bildirib: "Biz bu kontentin yaradılması və yayılmasında iştirak etməmişik. Missiyamız dünyanı birləşdirməkdir və bu missiya hər hansı siyasi baxış və ya gündəm ilə əlaqələndirilmir."