Böyük Britaniyanın onlayn təhlükəsizlik tənzimləyicisi Ofcom "X" sosial media platformasından ölkədə qanunsuz nifrət və terror məzmunları ilə mübarizəni gücləndirmək üçün yeni öhdəliklər qəbul etdiyini açıqlayıb.

Rəsmi açıqlamaya əsasən, "X" terrorçu qruplar tərəfindən idarə olunan hesabların Böyük Britaniyada girişini məhdudlaşdıracaq və istifadəçilər tərəfindən bildirən terror və nifrət məzmununun 85 faizini 48 saat ərzində qiymətləndirəcək.

Platforma qanunsuz nifrət və terror məzmunu ilə bağlı hesabatların verilməsi sistemini təkmilləşdirmək üçün mütəxəssislərlə əməkdaşlıq edəcək və növbəti 12 ay ərzində Ofcoma rüblük fəaliyyət hesabatları təqdim edəcək.

Ofcom-un onlayn təhlükəsizlik direktoru Oliver Griffiths bildirib: “Bu öhdəliklər irəliləyişdir, lakin hələ görüləcək çox iş var. Terrorçu məzmun və qanunsuz nifrət bəzi iri sosial şəbəkələrdə mövcuddur. Biz onlardan bu problemi ciddi həll etmələrini tələb edirik.”

Bu razılaşma Ofcom-a "X" platforması tələbləri yerinə yetirmədikdə cərimə tətbiq etməyə imkan verir, lakin indiyədək platforma Böyük Britaniyanın onlayn təhlükəsizlik qaydalarını kobud pozmaqda günahlandırılmayıb. Öhdəliklərdə məlumatların avtomatik yoxlanması və ya insan moderatorlar tərəfindən qiymətləndirilməsi barədə ətraflı məlumat verilməyib. "X" platformasının təhlükəsizlik komandası isə həmin dövrdə zəif görünür.