Pərakəndə satış əvvəllər sadə bir iş sahəsi olub: mağaza sahibləri məhsulları rəflərə düzür, rəqiblərlə qiymətə görə yarışır və müştəriləri cəlb etməyə çalışırdılar.

Böyük pərakəndə satışçılar həmişə qiymətdə üstünlüyə sahib olublar, çünki daha çox sifariş vermək imkanı əldə edirlər. Walmart kimi şəbəkə isə tərəfdaşları ilə əməkdaşlıq edərək məhsulun dəyərini necə azalda və ya daha böyük sifarişlə qiyməti necə aşağı sala biləcəklərinə baxır.

Lakin pərakəndə satış qiymətləri sadəcə məhsulun alış qiyməti və əlavə qazanc faizindən asılı deyil. İndi məhsulun satış qiymətinə ödənişli üzvlük və Walmart nümunəsində olduğu kimi reklam da təsir edir.

Bir çox cəhətdən Walmart-ın fəaliyyəti Costco ya oxşayır. Costco-da gəlirin böyük qismi ( təxminən üçdə iki ) müştərilərin rəflərdən məhsul almaqdan başqa sahələrdən gəlir.

Walmart 6 milyard dollarlıq reklam biznesi qurub

Müştəri kimi Walmart-ın reklam biznesi olduğunu bəzən hiss eləməyə bilərsiniz. Çünki bu, təkcə ənənəvi reklamların göstərilməsi, müştərilərin məhsullara yönləndirilməsi ilə bağlı deyil.

Walmart-ın 6 milyard dollarlıq reklam biznesi yaratmasını anlamaq üçün təxminən 18 ay əvvəl televiziya şirkəti Vizio-nu almasını bilmək lazımdır.

Walmart-ın baş inkişaf məmuru Seth Dallaire Evercore-un Altıncı İllik Pərakəndə və İstehlak Konfransında deyib ki, televizor istehsalı işi "biz idarə etdiyimiz reklam işlərinə bitişikdir."

O qeyd edib ki, ona tez-tez Walmart-ın niyə televiziya istehsalçısını aldığı sualı verilir.

"Walmart-da çoxlu televiziya satılır. Televiziya işi artıq sırf topdansatış alıb pərakəndə satmaq və aradakı fərqi saxlamaqla məhdudlaşmır. Həqiqi televiziya biznesi indi satış sonrası mərhələdədir," - deyə o vurğulayıb.

Walmart haqqında əlavə məlumatlar:

• Walmart-ın Amazon-la müharibəsi indi sizin qonaq otağınıza keçib

• Walmart, Target və Costco Prime Day çağırışına cavab verir

• Walmart DoorDash və UberEats rəqiblərinə xidmət əlavə edir

Vizio televizoru müştəriyə satmaq Walmart üçün onların evlərinin uzunmüddətli girişi deməkdir, yəni qonaq otağına, yataq otağına və digər televizor izlənilən yerlərə.

"Bu, texnologiya və bu cihazların arxasında duran əməliyyat sistemləri vasitəsilə həyata keçirilir. Ona görə də əlaqəli televizor reklamı bizim e-ticarət və mağazalarda reklam məhsulları ilə tamamlanır," - o əlavə edib.

Walmart reklamdan böyük gəlir əldə edir

Walmart-ın baş direktoru Con Furner birinci rüb hesabat zəngində bildirib: "Rübdə reklam biznesimiz hər seqment üzrə 30%-dən çox artıb, Walmart ABŞ-da bu göstərici 36%-dır. Üzvlük haqqından gəlir isə 17% artıb, əsasən Walmart ABŞ tərəfindən idarə olunur. Bu gəlir mənbələri əməliyyat gəlirimizin təxminən üçdə birini təşkil edir."