Walmart qiymətləri alış tarixçəsinə görə artırmır

The Verge yazır ki, Walmart CEO-su Con Furner məktubunda bildirdi ki, şirkət məhsul qiymətlərini müştərinin gəliri, alış tarixi, təcili ehtiyac və ya ödəmə qabiliyyətinə görə artırmayacaq.

Furner vurğulayıb ki, nə məhsulların alış vaxtı, nə də məhsullara olan tələbat həmin qiymətləri yüksəltmək üçün əsas ola bilməz. İstər ərzaq, istərsə də elektronika olsun, alıcıların vəziyyətinə görə yüksək ödəniş tələb edilməyəcək.

O əlavə edib ki, Sparky adlı süni intellekt köməkçisi ilə aparılan söhbətlərdən də qiymət dəyişiklikləri üçün istifadə olunmayacaq.

Bütün ABŞ mağazalarında rəqəmsal qiymət etiketlərinin tətbiqinə dair planlar var. Bu yeniliyin əsas məqsədi mağaza işçilərinin işini asanlaşdırmaqdır, dinamik qiymət tətbiqi deyil.

Federal Ticarət Komissiyası şəxsiləşdirilmiş qiymət təcrübəsinə qarşı siyasət hazırlayır. Bir neçə ştat isə müştəri məlumatlarının qiymətə təsirini qadağan edən qanunlar qəbul edib. Nyu-Yorkda təcrübə barədə məlumat vermək tələb olunur, New Jersey, Konnektikut və Merilenddə isə şəxsi məlumatlara əsaslanan qiymət dəyişiklikləri qadağandır.