Uşaqların immunitetini gücləndirən tərəvəzlər açıqlanıb

News.ru yazır ki, nutrisiyoloq və "Pikanta" nüfuzlu ekspertiza komissiyasının üzvü Yuliya Çernobrovkina uşaqlar üçün immunitetin gücləndirilməsində pomidor və şirin bibərin vacibliyini vurğulayıb.

O bildirib ki, uşaqların pəhrizində tərəvəzlərin müxtəlifliyi orqanizmin alacağı faydalı maddələrin çeşidini artırır. Məsələn, yerkökü və balqabaq karotinoidlər ehtiva edir, şirin bibər C vitamini ilə zəngindir, pomidor isə likopin daşıyıcısıdır.

Çernobrovkina tərəvəz çeşidini artırmaq üçün menyunu "göy qurşağı yemək" prinsipi üzrə tərtib etməyi tövsiyə edib. Belə ki, rəngarəng tərəvəz və meyvələrin birgə qəbulu uşağın yeməyə marağını artırır.

Daha əvvəl biokimyaçı Anna Divinskaya mədə-bağırsaq xəstəlikləri olan insanların payız pəhrizinə yağda bişmiş və tərəvəzdən hazırlanmış yeməkləri daxil etməsini məsləhət görüb. O, həmçinin qida rasionunda kələm turşusu və kefirin faydalı olduğunu qeyd edib.

Moskva Dövlət Universitetinin fundamental tibb fakültəsinin farmakologiya kafedrasının müdiri Oleg Medvedev əsaslandırıb ki, yaşıl yarpaqlı tərəvəzlərin müntəzəm istehlakı ürək xəstəlikləri riskini təxminən 11 faiz azaldır.