UPS (NYSE: UPS) dəyər investorlarının maraq göstərdiyi şirkətlərdən biridir. 6,4 faiz dividendlə 2026-cı ilin qazancına əsasən 14,3 dəfə qiymətləndirilən mavi çipli aksiyadır. Menecment isə yüksək marjlı bazarlarda çatdırılmalar üçün şəbəkəni yenidən qurur və uzunmüddətli marjanın yaxşılaşdırılmasına çalışır. Bu, investorları cəlb edən amildir, ancaq aksiyaya yatırım etməzdən əvvəl həll olunmalı bəzi məsələlər var.

UPS strategiyası

Şirkət həcm artımından uzaqlaşıb. Hazırda əsas diqqətini yüksək marjlı bazarlara yönəldir. Bunlar arasında kiçik və orta ölçülü müəssisələr, səhiyyə, biznesdən biznesə e-ticarət çatdırılmaları var. UPS 2025-ci ilin əvvəlinə nisbətən Amazon.com (NASDAQ: AMZN) çatdırılmalarını 2026-cı ilin ortalarına qədər 50 faiz azaldıb.

Eyni zamanda məhsuldarlığın artırılması və səmərəli, yüksək gəlirli şəbəkə qurmaq üçün texnologiyaya, əsasən avtomatlaşdırma və ağıllı obyektlərə investisiya qoyur. Bütün işarələr 2026-cı ildən sonra uzunmüddətli marjların yaxşılaşacağını göstərir. Şirkət işçi sayını 78 min azaltmaq və 150 obyekt bağlamaqla bağlı ilkin xərclərə baxmayaraq yüksək gəlirli dövrə keçməyi planlaşdırır.

Lakin bu proseslə bağlı bəzi çətinliklər var.

UPS-in mənfəət keyfiyyəti

Şirkətin gəlirlərinin böyük hissəsini müştərilərdən alınan yanacaq əlavə haqqı formalaşdırır. Bu isə zamanla davamlı olmayacaq. Yanacaq qiymətlərinin yüksəlməsi ilə bağlı başqa xərclər də ola bilər, amma yanacaq əlavə haqqının yanacaq xərclərinə nisbətdə artımı mühüm nüansdır.

*UPS yalnız ABŞ daxili paketlərin yanacaq əlavə haqlarının artımını açıqlayıb. Bu, gəlir əldə etmək üçün dayanıqlı üsul deyil.

Dividendlər investisiyaları məhdudlaşdırır

Məhsuldarlığa qoyulan vəsaitlər müsbət nəticə verir. CEO Kərol Tom bildirib ki, ABŞ biznesində həcmin 68,5 faizi avtomatlaşdırılmış obyektlərdən keçib, bir il qabaq bu göstərici 64 faiz idi. Avtomatlaşdırılmış obyektlərdə bir parça başına xərclər isə avtomatlaşdırılmamış obyektlərlə müqayisədə təxminən 28 faiz azdır.