Ukrayna münaqişədən çıxış üçün iki mümkün ssenari ilə üzləşir

News.ru yazır ki, sabiq MKİ-nin Rusiyaya dair təhlillər üzrə direktoru Corc Bib bildirib ki, Ukrayna yaxın vaxtlarda münaqişədən çıxmaq qərarı qəbul etməli ola bilər. Onun fikrincə, Kiyev həm iqtisadi, həm siyasi, həm də hərbi sahədə daha güclü təzyiq altında qala bilər.

Corc Bib qeyd edir ki, ilk ssenari Ukraynanın Qərbə müraciət edərək vəziyyətin ağır olduğunu və dərhal münaqişədən çıxmalı olduğunu deməsidir.

İkinci ssenari isə Qərbin Ukraynanın mümkün məğlubiyyət perspektivini görərək buna qarşı tədbir görməsi ola bilər. ABŞ-da artıq Ukrayna üzərində uçuşa yasağı tətbiq etmək çağırışları səslənir ki, bu, Rusiya ilə Qərb arasında birbaşa qarşıdurmaya səbəb ola bilər.

Corc Bib bu qarşıdurmanın fəlakətlə nəticələnəcəyini vurğulayıb.

Əvvəlcə ABŞ-lı geosiyasət analitiki Kris Helali də qeyd edib ki, ABŞ, Avropa ölkələri və Ukrayna münaqişənin sülh yolu ilə həllinə can atmırlar. Onun sözlərinə görə, Qərbin əsas hədəfi Rusiyanın parçalanmasıdır. Helali Rusiyanı 'balkanlaşma' termini ilə xarakterizə edib.