Türkiyənin addımları İsraili izolyasiya edir

İsrailin Jerusalem Post qəzeti yazır ki, İsrail təhlükəsizlik bürokrasisi Türkiyənin hərəkətlərini İsraili məhdudlaşdırmaq və regionda izolyasiya etmək cəhdləri kimi görür.

Qəzetə görə, 2019-cu ildə Türkiyə ilə Liviya arasında imzalanan saziş Yunanıstan adaları zənciri, o cümlədən Girit və Rodosu tamamilə funksiyasız qoyaraq Türkiyə sahillərindən Liviya sahillərinə qədər "koridor" yaradıb.

Türkiyənin Liviyaya verdiyi hərbi dəstəyin qarşılığında orada limanlarda mövcudluq, hava məkanı və enerji resurslarının axtarışı hüquqları əldə etdiyi bildirilir.

Bu təhlükəsizlik vəziyyəti Türkiyəyə regionda hərbi infrastruktur qurmaq imkanı verir və onun həm hərbi, həm də sivil fəaliyyətləri, o cümlədən dəniz ticarətini ölkə sərhədlərindən kənara çıxaraq təsir altına ala bilir.

Habelə həmin vəziyyət İsrail, Cənubi Kipr Rum İdarəsi vasitəsilə Yunanıstan və Avropaya uzanan təbii qaz boru xətti layihəsini əngəlləmək və ya azı fasilələndirmək məqsədilə qurulub.

İsrailin idxalının 98 faizi dəniz yoluyla həyata keçirildiyi üçün Türkiyənin bu addımları Tel-Əvivdə narahatlıq doğurur və İsrailli rəsmilər bunu "Türkiyə İsraili küncə sıxışdırır" kimi qiymətləndirir.