Türkiyədə komediyaçı Erdoğana təhqir ittihamı ilə məhkəməyə çıxarılıb

Deutsche Welle yazır ki, Türkiyədə stand-up şouda Türkiyə Prezidenti Rəcəb Tayyib Ərdoğana təhqir və digər ittihamlarla üzləşən komediyaçı Deniz Göktaş məhkəməyə çağırılıb.

Göktaş bu ilin iyulunda şounun bir hissəsini YouTube-da yayımladıqdan sonra həbs olunub. Onun 90 dəqiqəlik "Ölü dəniz" proqramı iyul ayında təxminən 9 milyon baxış sayına çatıb, "X" platformasında paylaşılan qısaldılmış klipləri də çox populyardır.

32 yaşlı Göktaş prezidentə təhqir, xalq arasında düşmənçilik yaratmaq, İslam haqqında zarafatlardan dolayı kin-küdurət yaratmaq və cinayət ailəsi "Daltonlar"la bağlı yumora görə cinayət və xəyanət növlərini təbliğ etmək ittihamları ilə üzləşib.

Məhkəmə qarşısına çıxarılan komediyaçı 88 gün həbsdə qaldıqdan sonra ictimai dəstək alıb. Məhkəmə önündə yağış altında 50-yə yaxın tərəfdar onun tək olmadığını bildiriblər.

Prokurorluq 500-dən çox şikayət əsasında Göktaş barəsində istintaq aparıb. Bunlardan biri rəsmi dini qurum Diyanətin təqdim etdiyi şikayətdir.

Göktaşın şoudakı ifadələri arasında prezident barədə "utancaq diktator" və "öz kimliyi ilə barışıq diktator" ifadələri əsas ittihamlar sırasındadır.

Türkiyədə tənqidçilərin məhkəməyə cəlb olunması və söz azadlığına tətbiq olunan məhdudiyyətlər beynəlxalq təşkilatlar tərəfindən tənqid edilir.