Türkiyə Rusiya və Ukraynaya təhlükəsiz gəmiçilik təklifi göndərdi

News.ru yazır ki, Türkiyə hökuməti Rusiya və Ukraynaya Qara dənizdə gəmiçiliyin təhlükəsizliyinin təmin olunması barədə təkliflər göndərib. Ankara bu təkliflərin müvafiq tərəflər arasında birbaşa müzakirəsinə üstünlük verir.

Türkiyə hakimiyyəti hesab edir ki, vətəndaş və kommersiya gəmiçiliyinə riskləri minimuma endirmək üçün diplomatik işlər davam etməlidir. Hökumətdə diplomatik təşəbbüslərin ictimaiyyətə açıqlanmaması prinsipinə üstünlük verirlər.

Hökumət rəsmisi bildirib ki, Ankara Rusiya və Ukrayna ilə əlaqələri davam etdirəcək. Məqsəd ticarət gəmiçiliyinin təhlükəsizliyinin təmin olunması və Qara dənizdə gərginliyin daha da artmasının qarşısının alınmasıdır.

Əvvəllər Türkiyə Prezidenti Rəcəb Tayyib Ərdoğan Ukraynadan Qara dənizdə gəmilərin sülh şəraitində keçidi üçün zəmanət verilməsini tələb edib. O, xüsusilə vurğulayıb ki, hər hansı hücumlar ticarət gəmilərinə qarşı qəbuledilməzdir.