Tayvan sursat ehtiyatlarını dörd dəfə artırmaq istəyir

News.ru-nun məlumatına görə, Tayvan sursat ehtiyatlarını indiki 30 gündən 120 günə qədər döyüşə kifayət edəcək səviyyəyə qaldırmaq üçün 868 milyon dollar xərcləməyi planlaşdırır. Bu məqsədlə altı illik satınalma proqramı hazırlanıb.

Hazırkı ildə sursat ehtiyatlarının artırılması üçün 229 milyon dollar nəzərdə tutulub. Növbəti ildə də oxşar məbləğin ayrılması planlaşdırılır.

Analitik Pepe Eskobar Tayvan ətrafında provokasiyaların yaxın gələcəkdə mümkünlüyünü istisna etməyib. Onun sözlərinə görə, ABŞ Çini zəiflətmək məqsədilə belə addımlar atmaq istəyir, ancaq bu strategiyanı düzgün saymır. Eskobar bildirib ki, Cənubi Çin dənizində əgər provokasiya baş verərsə, Çin dövləti bu vəziyyətlə bir neçə gün ərzində başa çıxar.

Senator Qriqori Karasin isə Çinin Tayvanın hərbi gücünü artırmasına reaksiyasının gizli və analitik olacağını, mediada açıq təzahür etməyəcəyini söyləyib. O, hərbi gücün artmasının yeni münaqişələrə səbəb ola biləcəyini diqqətə çatdırıb və Rusiyanın Pekinlə münasibətləri inkişaf etdirməyə davam edəcəyini ifadə edib.