Şanlıurfa TEKNOFEST Güneydoğu festivalinə ev sahibliyi edir

Anadolu Ajansı yazır ki, TEKNOFEST festivalı bu il 30 sentyabr-4 oktyabr tarixlərində Şanlıurfada "TEKNOFEST Güneydoğu" adıyla keçiriləcək. Festivalın təşkilatçıları arasında Sanayi və Texnologiya Nazirliyi, T3 Fondu və Müdafiə Texnologiyaları Mühəndislik və Ticarət AŞ yer alır.

Şanlıurfanın Harran bölgəsi qədim və önəmli elmi mərkəz kimi tanınır. Burada orta əsrlərdə tanınmış İslam alimi El-Battani dünyaya gəlib. O, əsasən riyaziyyat və astronomiya üzrə böyük işlər görüb, astronomiya sahəsində yeniliklər təqdim edib.

Harran Universitetinin Coğrafiya Bölməsinin müdiri, eyni zamanda "Harran Ekolü El-Battani Sənədli Filmi"nin rejissoru Sedat Benek bildirir ki, El-Battani 41 il ərzində apardığı müşahidələr və tədqiqatlarla elm tarixində önəmli yer tutur. Harran və Edessa məktəbləri dövrün əsas elmi təhsil mərkəzləri olub.

Benek əlavə edib ki, Harran məktəbi 400-dən çox alim yetişdirib və El-Battani xüsusilə astronomiya sahəsində əhəmiyyətli işlər görüb. Onun müşahidə, hesabat aparma və elmi cihazların təkmilləşdirilməsi sahəsində əməyinin böyük olduğunu vurğulayıb.

Festivalla bağlı Benek qeyd edib ki, TEKNOFEST və El-Battani elmi irsi arasında güclü əlaqə mövcuddur. Bu tədbir gənclərin elmi və texnoloji sahələrə marağını artıracaq. Eyni zamanda, dron və pilotsuz uçan aparat texnologiyalarının inkişafı üçün yeni layihələrə şərait yaradacaq.

Harran bölgəsində qədim zamanlardan bəri astronomiya elmi inkişaf etsə də, indi gənclər müasir texnologiya sahəsində layihələr üzərində işləyirlər ki, bu da elmi irsin davamının göstəricisidir.