Rusiyada 80 yaşdan yuxarı və I qrup əlilliyi olanların pensiyası artırılır

News.ru yazır ki, Rusiya vətəndaşlarından sentyabrda 80 yaşı tamam olanlara və I qrup əlilliyi olan pensiyaçılara oktyabr ayından etibarən pensiyalarında artım ediləcək.

Rusiya Hökumətinin Maliyyə Universitetinin professoru Aleksandr Safonov bildirir ki, bu kateqoriyaya daxil olanların sığorta pensiyasına əlavə sabit ödəniş ikiyə vurulacaq.

Daha əvvəl Dövlət Dumasının deputatı Aleksey Govırın qeyd edib ki, pensiya yığım hesabından vəsaiti Rusiyanın Sosial Fondundan almaq mümkündür. Vəsaitin miqdarını fərdi hesab çıxarışından öyrənmək olar.

Rusiyanın İctimai Palatasının üzvü Vadim Vinqradov isə əlavə işin gələcək pensiyanın məbləğini artıracağını deyib. Onun sözlərinə görə, işəgötürənlər tərəfindən ödənilən sığorta haqları ödəniş hesablamalarında nəzərə alınır.

Həmçinin işçi pensiyaçılara verilən sığorta pensiyaları işsiz pensiyalardakı kimi indeksləşdirilir və bu, çalışma müddətində baş verir.