Rusiya qüvvələri Vasılkov hərbi aerodromunu məhv edib

News.ru yazır ki, Rusiya Müdafiə Nazirliyi məlumat verib ki, sentyabrın 28-də gecə saatlarında Vasılkov hərbi aerodromunda infrastruktur və obyektlər vurulub.

Rusiya hərbçiləri dronlarla Ukrayna Silahlı Qüvvələrinin ehtiyacına xidmət edən logistika və kommunikasiya mərkəzlərinə, liman obyektlərinə və dəniz gəmilərinə hücumlarını davam etdirib.

Məlumata görə, Kiyev şəhərində UkrTelekom və DriimLayın data mərkəzləri zərər görüb.

Əvvəl xəbər verilmişdi ki, Rusiya Silahlı Qüvvələri Ukrayna ordusunun istifadə etdiyi nəqliyyat və yanacaq-energetika obyektlərinə, eləcə də pilotsuz uçuş aparatları istehsalı sexlərinə zərbələr vurub.

Bu zərbələrin pilotsuz uçuş aparatları, taktiki aviatsiya, raket qoşunları və artilleriya vasitəsilə endirildiyi bildirilib.

Daha əvvəl isə Rusiya qüvvələri Odessa vilayətində yerləşən iki logistik mərkəzi məhv edib, orada Avropadan Ukraynaya gətirilmiş hərbi yüklər saxlanılırdı.