Rusiya Kalininqradı qorumaq üçün nüvə silahından istifadə etməyə hazırdır

News.ru yazır ki, Rusiya İrlandiyadakı səfirliyi Kalininqrad vilayətinin hava və dəniz blokadasına qarşı geniş hazırlıqların görüldüyünü bildirib.

Səfirlik bildirib ki, NATO-nun bu hazırlıqları ciddi narahatlıq doğurur və vəziyyət uydurma deyil.

Rusiya tərəfi avropalı siyasi elitanı məsuliyyətsiz və uzaqgörən olmayan davranışda ittiham edib.

Səfirlik bəyan edib ki, Rusiya Kalininqrad vilayətini təcrid etməyə cəhd edən NATO ölkələrinə qarşı bütün arsenalını, o cümlədən nüvə silahını istifadə etməyə hazırdır.

Əvvəlcə Polşa Xarici İşlər naziri Radislav Sikorski NATO-dan Kalininqradın yaxınlığında hərbi təlimləri artırmağı təklif edib.

Jurnalist məlumatlarına görə, bu təlimlərin məqsədi Rusiyanın həmin əraziyə əlavə qüvvələr göndərməsini təmin etməkdir.