Rusiya dronları Kiyevdə yanacaqdoldurma məntəqəsini vurub

Ukrainskaya Pravda yazır ki, 28 sentyabr səhəri rusiyalılar Kiyevin Obolon rayonundakı yanacaqdoldurma məntəqəsinə pilotsuz uçuş aparatı ilə zərbə endirib.

Kiyev Dövlət Hərbi Administrasiyasının ilkin məlumatına görə, dronun vurduğu yanacaqdoldurma məntəqəsində yanğın başlayıb.

Fövqəladə hallar xidməti hadisə yerinə cəlb olunub.

Səhər saat 5:46-da Kiyevdə gecə ərzində ikinci dəfə hava həyəcanı elan edilib. Bu, dron təhlükəsi ilə əlaqədardır.

Gecənin əvvəlində hava həyəcanı təxminən doqquz saat davam edərək ləğv olunmuşdu.