Rusiya və Almaniya birgə "Şimal Axını"nı yenidən işə sala bilər

Rusiya və Almaniya birlikdə dördgünlük sızıntı nəticəsində ziyan görmüş "Şimal Axını" qaz kəmərini işə salmağı müzakirə edir. Bu barədə Rusiya Prezidentinin xüsusi elçisi və Rusiyanın Birbaşa İnvestisiya Fondu (RDİF) CEO-su Kirill Dmitriyev məlumat verib.

Dmitriyev "Şimal Axını"nın birgə yenidən açılacağına əmin olduğunu bildirib. O, həmçinin Almaniyadakı Alternativ partiyasının (AfD) Alman xalqının enerji müstəqilliyi və əməkdaşlıq uğrunda mübarizəsinin səsi olduğunu vurğulayıb.

Bu açıqlama Alternativ partiyasının sədri Tino Xrupalla tərəfindən "Şimal Axını" və "Şimal Axını 2" kəmərlərində baş verən təxribatla bağlı beynəlxalq araşdırmanın aparılması və kəmərlərin təmiri barədə təkliflərə cavabdır.

Qeyd edək ki, 2022-ci il sentyabrın 26-da "Şimal Axını" və "Şimal Axını 2" qaz kəmərlərinin üç xəttində və istifadəyə verilməmiş ikinci kəmərdə misli görülməmiş zərər qeydə alınıb. Rusiya Prokurorluğu bu hadisə ilə bağlı beynəlxalq terror aktı üzrə cinayət işi açıb.