Qətərin keçmiş əmiri Şeyx Həmid bin Xəlifə Əl Tani 74 yaşında vəfat etdikdən sonra dəfn namazları qılınıb.

1995-2013-cü illər arasında Qətəri idarə etmiş Şeyx Həmid üçün dəfn mərasimi bazar günü günbatandan sonra Dohada yerləşən İmam Məhəmməd ibn Əbd əl-Vəhhab məscidində gündəlik Mağrib namazından sonra keçirilib.

Mərasimdə kişilər ənənəvi qətər libası ilə əllərini önündə birləşdirərək Şeyx Həmidin tabutu istiqamətində namaz qılıb. Daha sonra yaxın ailə üzvləri, o cümlədən oğlu və hazırkı Əmir Şeyx Tamim bin Həmid Əl Tani onun meyitini məsciddən çıxarıb.

Şeyx Həmid Lusail qəbiristanlığında dəfn olunacaq.

"Al Jazeera"nin müxbiri Zeyn Basravi mərasimi "təvazökar tədbir" adlandırıb və Şeyx Həmidin "sadə qəbirə" dəfn ediləcəyini bildirib.

Basravi əlavə edib: “Bu, sadə İslam dəfn mərasimi, sadə İslam torpağa tapşırılması olacaq.”

Rəsmi yas mərasimi çərşənbə gününə qədər davam edəcək. Qətər Əmiri Şeyx Tamim Lusail Sarayında səfərdə olan dövlət başçıları, yüksək vəzifəlilər və şahzadə ailəsi üzvlərini qəbul edəcək.