Premyer Liqada çempionluq yarışı iki əsas komanda arasında davam edirArsenal və Manchester City 2025-26 mövsümü son həftəyə daxil olmaq üzrədir.

Hər iki komandanın iki oyun qalır – Arsenal bazar ertəsi, City isə çərşənbə axşamı meydana çıxacaq, sonra isə məhz gələn bazar, mayın 24-ü mövsümün son turu keçiriləcək.

Bəs hər klub çempionluq üçün son iki turda nələr etməlidir?

Premyer Liqa qalibi necə müəyyənləşir?

Mövsüm sonunda ən çox xal toplayan komanda çempion adını qazanır.

Lakin, əgər xallar bərabərdirsə, qalib qapı fərqinə əsasən təyin olunur.

Əgər qapı fərqi də bərabərdirsə, sonra top vurma sayına, daha sonra baş-başa görüşlərdə toplanan xallara və sonda baş-başa görüşlərdə vurulan səfər qollarına baxılır.

Arsenalın son tur cədvəli

Liqa lideri Manchester City-dən iki xal öndədir, buna görə Gunners son iki oyunda qalib gəlsələr, 22 ildən sonra ilk dəfə Premyer Liqa kubokunu qaldıracaqlar.

Ancaq City hal-hazırda qapı fərqinə görə bir top üstünlükdədir və Mikel Artetanın komandası səhv etsə, hələ də titulu ələ keçirə bilər. City həmçinin vurduğu qollara görə də üstünlükdədir – son iki oyuna 75-68 hesabı ilə üstünlüyü var.

City bu mövsüm liqada baş-başa görüşlədə də üstünlük sahibidir.Onlar aprel ayında evdə Arsenalı 2-1 məğlub edib və sentyabrda Emiratesdə 1-1 hesablı heç-heçə oynayıblar.

Rəsmi olaraq, Arsenalın son mərhələsi City-inki ilə müqayisədə asan görünür, çünki Gunners artıq aşağı liqaya düşmüş Burnley ilə evdə görüşəcək və sonra 15-ci yerdə olan, liqada qaldığı dəqiqləşən Crystal Palace-in səfərinə yollanacaq, hansı ki, mayın 27-də Rayo Vallecano ilə keçiriləcək Avropa Konfrans Liqasının finalına hazırlaşacaq.

• Mayın 18-i:Arsenal - Burnley
• Mayın 24-ü:Crystal Palace - Arsenal

Manchester City-nin son mərhələsi

City ehtimallara görə, son iki oyunda qələbə qazanmalı və Arsenalın səhv etməsini gözləməlidir. Onlar həmçinin xal bərabərliyi halında qapı fərqini artırmağa çalışacaqlar.

Əgər Arsenal bazar ertəsi qalib gələrsə və City çərşənbə axşamı qalib gələ bilməzsə, Gunners çempion olacaq.

Pep Guardiolanın komandası daha çətin marşrutda görsənir, çünki onlar Çempionlar Liqasına vəsiqə qazanmaq uğrunda mübarizə aparan Bournemouth-un səfərinə gedəcək.

Sonra isə evdə Avropa Liqası finalı üçün mayın 20-də Freiburg-la oynayacaq və artıq gələn mövsüm üçün Çempionlar Liqasına vəsiqəni təmin edən, güclü rəqib olan Aston Villa-nı qəbul edəcəklər. Aston Vila yorğun və nəticədən asılı olaraq daha rahat oynaya bilər.

• Mayın 19-u:Bournemouth - Man City
• Mayın 24-ü:Man City - Aston Villa

Arteta nə deyib?

Arsenalın baş məşqçisi Gunners-in qapı fərqini artırmaq üçün Burnley-yə qarşı böyükhesablı qələbə istədiyini bildirib.

“Əvvəla, oyunu qazanmaq hüququnu qazanmalıyıq. Daha çox qol fərqi yaratmaq daha yaxşıdır,” Arteta cümə axşamı jurnalistlərə söyləyib.

“Keçən həftəsonu West Ham-la çox çətin oyunumuz oldu. Biz qalib gəldik və bu böyük hiss idi, amma bilir kiq ki, ideal halda qol vurmaq vacib olacaq.”

O əlavə edib: “Komanda tam formada, anı yaşayır. Emosional olaraq çox yaxşı vəziyyətdədir. Enerji səviyyəsi doğru səviyyədədir.”

Qvardiola nə deyib?

City-nin baş məşqçisi komandası üçün təkcə “canlı qalmaq” və Arsenalın səhv etməsini ümid etmək qaldığını bildirib.

“Əgər onlar iki oyunu qazanarsa, bizim heç nə edə biləcəyimiz yoxdur, heç bir söz deməyə ehtiyac yoxdur,” deyə Qvardiola BBC-yə bu həftə söyləyib. “Ən yaxşısı sadəcə orada olmaqdır. Son iki oyun çətindir.”

Qvardiola City-ninChelsea üzərində qazandığı FA Kuboku finalı qalibiyyətinin komandasını mümkün olmayan çempionluq uğrunda ruhlandıracağına inanır.

1-0 hesablı qələbə komandasına yerli kuboklarda dubılluq qazandırdı, onlarda Mart ayında Liqa Kubokunun finalında Gunners-ı 2-0 məğlub etmişdilər.

City baş məşqçisi FA Kuboku qələbəsini necə qeyd edəcəkləri soruşulduqda belə cavab verib: “Evdə – bir dənə belə pivə yox.”

“Aston Villa ilə oyundan sonra gələn bazar ertə Manchesterda (liqa çempionu qadın komandası ilə) parad etməyi planlaşdırırdıq, amma indi vaxtımız yoxdur.”

Arsenal neçə dəfə liqa çempionu olub?

Arsenal İngiltərə futbolunun ən yüksək səviyyəsində 13 dəfə çempion olub, həm köhnə First Divizionda, həm də 1992-ci ildə yaradılan Premyer Liqada. Gunners sonuncu dəfə 2004-cü ildə Arsene Wenger rəhbərliyi altında kuboku qaldırıb.

Arsenalın liqa çempionluqları: 1930–31, 1932–33, 1933–34, 1934–35, 1937–38, 1947–48, 1952–53, 1970–71, 1988–89, 1990–91, 1997–98, 2001–02, 2003–04.

City neçə dəfə liqa çempionu olub?

City 10 liqa çempionluğu qazanıb, bunların böyük əksəriyyəti 2012-ci ildən sonra əldə olunub. Qvardiola baş məşqçi kimi altı çempionluq qazanıb.

City-nin liqa çempionluqları: 1936–37, 1967–68, 2011–12, 2013–14, 2017–18, 2018–19, 2020–21, 2021–22, 2022–23, 2023–24.