Papa 14. Leo Karadenizdə taxıl daşınmasına çağırış edib

Hürriyet yazır ki, Papa 14. Leo Vatikanın Aziz Petrus Meydanında ənənəvi bazar duası zamanı Ukrayna müharibəsinə toxunub. O, müharibənin xüsusilə təməl ərzağa bağlı yoxsul ölkələrdə böyük ağrılara səbəb olduğunu vurğulayıb.

Papa münaqişənin tərəflərinə Karadenizdə taxılın təhlükəsiz şəkildə daşınmasına icazə verilməsi çağırışını edib. Onun sözlərinə görə, milyonlarla insanın gündəlik qidası müharibənin girovunda ola bilməz.

Çıxışının sonunda Papa 14. Leo əməliyyat olunacağını açıqlayıb. Həkimləri onun ağciyərində ilkin mərhələdə nodül aşkarlayıb. O, nodülün götürülməsi üçün əməliyyat olunacağını bildirib.

Vatikan mənbələrinə əsasən, əməliyyat yeni həftənin ilk günlərində həyata keçiriləcək və təxminən bir həftə sağalma müddəti olacaq.

İtaliya Baş Naziri Corca Meloni isə yazılı bəyanatında hökumət və İtaliya xalqı adından Papaya dəstək və tezliklə sağalma diləklərini çatdırıb.