Fransada son sağ qalmış veteranlar iyunun 6-da D-Day əməliyyatının 82-ci ildönümünü qeyd etmək üçün bir araya gəliblər. Hər il olduğu kimi, bu dəfə də onları Britaniya Normandiya Memorialında anım mərasimi gözləyir.

Tədbirə yalnız altı veteran qatılacağını təsdiqləyib. Bu göstərici, memorialın 2021-ci ildə açılmasından bəri ən az iştirakçı sayıdır.

Anım mərasimi fransız məktəblilərinin Juno sahilində H-saatını bildirən yürüşü ilə başlayıb. H-saatı Britaniya əsgərlərinin Normandiya sahilinə eniş vaxtı kimi nəzərdə tutulur.

D-Day nədir?

1944-cü il iyunun 6-da Böyük Britaniya, ABŞ, Kanada, Fransa və başqa bir neçə ölkənin təxminən 160 min müttəfiq əsgəri şimal Fransanın Normandiya sahilinə eniş edib.

Bu tarix D-Day — əməliyyatın ilk günü üçün hərbi termin kimi tanınır. "D" sadəcə günü ifadə edir.

Müttəfiqlər Operation Overlord adlı əməliyyatı başlayıb. Bu, Qərbi Avropanın nasist işğalından azad edilməsinə səbəb oldu.

Yalnız həmin gündə müttəfiq qüvvələrinin 4 min 400 nəfəri həyatını itirib. Almanların həmin gündəki itkilərinin sayı tam məlum deyil, lakin 4 mindən 9 minə qədər adamın öldüyü, yaralandığı və itkin düşdüyü qiymətləndirilir.