Netanyahu Birləşmiş Ərəb Əmirlikləri prezidenti ilə görüşü təsdiqlədi

Deutsche Welle yazır ki, İsrail Baş Naziri Benyamin Netanyahu Birləşmiş Ərəb Əmirlikləri (BƏƏ) Prezidenti Şeyx Məhəmməd bin Zayed Əl-Nahyanla Abu-Dabidə gizli görüş keçirib.

Hər iki hökumət görüşü təsdiqləyib. BƏƏ-nin açıqlamasında tərəflərin iki ölkə arasındakı münasibətlər və onların gücləndirilməsi yollarını müzakirə etdikləri qeyd olunub.

Netanyahu açıqlamasında səfərin əsas mövzusunun iki ölkə arasındakı əlaqələrin möhkəmləndirilməsi və regional çağırışlar olduğunu vurğulayıb.

Görüşün noyabrın 7-də İsrailə qarşı ölümcül hücumu öncəsi BƏƏ prezidentinin Netanyahuya xəbərdarlıq etdiyi barədə yayılan xəbərlərdən sonra baş verməsi diqqət çəkir. İsrail mediası BƏƏ prezidentinin bu xəbərdarlığı verdiyini iddia etmiş, Netanyahu isə bu barədə məlumatı təhlükəsizlik orqanlarına ötürmədiyi barədə ittihamları rədd edib.

İsrailin daxili təhlükəsizlik xidməti Şin Bet isə Netanyahu səfərindəki məxfi məlumatın öncədən yayılması barədə xəbər verən Kanal 12-yə qarşı qanun pozuntusu ilə bağlı müraciət edib.

BƏƏ İsrailə qarşı HƏMAS-ın hücumunu kəskin qınayıb və İsrailin Qəzzaya qarşı müharibəsində baş verən pozuntuları tənqid etməsinə baxmayaraq, iki ölkə arasında diplomatik əlaqələr davam edir.