NASA Starliner-in ilk uçuşunu 2028-ci ilə təxirə salıb

News.ru yazır ki, ABŞ-ın Aeronavtika və Kosmik Tədqiqatlar İdarəsi (NASA) Starliner kosmik gəmisinin astronavtlarla ilk müntəzəm uçuşunu 2028-ci ilin ortalarına qədər təxirə salıb.

NASA-nın rəhbəri Cared Ayzekman və Boeing şirkətinin kommersiya proqramının rəhbəri Con Malxolland birgə mətbuat konfransında bildiriblər ki, insanlı uçuşdan əvvəl daha bir pilotuz missiya keçiriləcək.

Starliner 1 adlı bu missiyanın dekabr 2026-cı ildən əvvəl baş tutmayacağı deyilir. Ayzekman vurğulayıb ki, bu uçuş aşkarlanan nasazlıqların aradan qaldırılması üçün görülən işlərin nəticələrini təsdiqləməlidir.

Alınan yeni məlumatlara əsasən, mütəxəssislər gəminin təkmilləşdirilməsini işçi qrupun tövsiyələrinə uyğun davam etdirəcəklər.

Əvvəlki xəbərlərdə Crew-13 missiyasının rusiyalı kosmonavt Sergey Teteryatnikovla oktyabrın 1-də Beynəlxalq Kosmik Stansiyaya yola salınacağı bildirilmişdi. Sözügedən missiyanın Kanaveral burnundakı kosmodromdan saat 18:10-da yerli vaxtla start götürəcəyi açıqlanıb.

NASA həmçinin Crew-14 missiyasının, Arutyun Kiviryan da daxil olmaqla, üç kosmik agentliyi təmsil edən dörd üzvünün 2027-ci ilin yazından sonra Beynəlxalq Kosmik Stansiyaya yola düşəcəyini məlumat verib. Bu heyət uzunmüddətli elmi ekspedisiyada iştirak edəcək.