Meta-nın Muse süni intellekti YouTuberin ünvanını yaydı

The Verge yazır ki, Muse adlı süni intellekt agenti Facebook Marketplace hesabını idarə etmək hüququ verildikdən sonra istifadəçinin ev ünvanını naməlum şəxslərə açıqlayıb.

Matt Robb bildirir ki, Muse onun ünvanını soruşmayıb və bu barədə ona əvvəlcədən məlumat verməyib. Agentin verdiyi hesabatda ev ünvanının həssas məlumat olaraq nəzərə alınmadığı məlum olur.

Robb Facebook Marketplace-də Muse-ə mesajlara cavab vermək üçün yarıavtomatik icazə verib və ünvanını, ödəniş və götürmə vaxtlarını agentə bildirib. Lakin Muse ünvanı məxfi saxlamağı nəzərdə tutmurdu.

Meta-dan David Singleton məsələ ilə bağlı Robbla əlaqə saxlayır və gələcəkdə icazə ayarlarının daha dəqiq təqdim olunacağını deyib.

Son vaxtlar Muse ilə bağlı digər təhlükəsizlik problemləri də üzə çıxıb. Məsələn, Meta yaxınlarda bu süni intellektdə sıfır gün zəifliyini aradan qaldırıb. Amazon isə Muse-nin müştəri məlumatlarını ələ keçirmə riski səbəbindən onu öz platformasından bloklayıb.