Kiyevdə iki ballistik raket yaşayış binalarının yaxınlığına düşüb

Ukrainskaya Pravda yazır ki, Kiyevin Solomenka rayonunda gecə vaxtı Rusiya tərəfindən edilən hücum zamanı iki ballistik raket yaşayış yerlərinə düşüb, lakin partlamayıb.

Polisin partlayış texnikləri hər iki raketin təxminən yarım tonluq döyüş hissəsini zərərsizləşdirib. Hər iki döyüş hissəsi təhlükəsiz vəziyyətə gətirilərək gələcəkdə daşınmağa hazır vəziyyətə salınıb.

Hücum nəticəsində Golosyevski və Solomenka rayonlarındakı yaşayış binalarına ziyan dəyib, bir nəfər xəsarət alıb.

Rusiya qüvvələri həmin gecə Kiyevə "Sirkon"/"Oniks" gəmiyə qarşı raketi, iki "İskəndər-M"/S-400 ballistik raket və 152 pilotsuz aparatla zərbə endirib.

Ukraynanın hava hücumundan müdafiə qüvvələri 109 hava hədəfini vurub.