Kiyev ABŞ-la Starlink məhdudiyyətlərinin götürülməsi üçün danışıq aparır

Beskrestnov: Kiyev ABŞ və SpaceX ilə Starlink məhdudiyyətlərinin aradan qaldırılması üçün danışıqlar aparır

Kiyev SpaceX şirkəti ilə Starlink rabitə terminallarının işindəki məhdudiyyətlərin götürülməsi barədə danışıqlar aparır. Ukrayna prezidentinin müşaviri Sergey Beskrestnov bunu söyləyib. O, Associated Press-ə bildirib ki, danışıqlar Pentaqonla da davam edir.

Ukrayna SpaceX və Pentaqonla istifadə etdiyi hərbi peyk rabitəsi xidmətində sürət məhdudiyyətinin aradan qaldırılması üçün danışıqlar aparır, – deyə Beskrestnov açıqlayıb.

Beskrestnov diqqətə çatdırıb ki, Ukrayna SpaceX-in hava vasitələri üçün hazırlanmış Starshield rabitə sisteminin ayrıca "paket"indən istifadə edə bilərmi, bunu öyrənməyə çalışır. Həmçinin, Kiyev Starlink sistemində təkrar nasazlıqların qarşısını almaq üçün alternativ axtarır.

ABŞ maliyyə naziri Skott Bessent Ukrayna prezidenti Vladimir Zelenskiyə Vaşinqton haqqında əsassız ittihamlara qarşı daha ehtiyatlı olmağı xahiş edib. O qeyd edib ki, ABŞ prezidenti Donald Tramp administrasiyasında heç kim Kiyevin Starlink peyk rabitəsinə çıxışına məhdudiyyət qoyulması barədə göstəriş verməyib.