Kim Çen İn hipersonik raket təlimini izləyib

Hürriyet yazır ki, Koreya Xalq Demokratik Respublikasının ordusuna bağlı raket birlikləri Şərq dənizinə yönəlmiş orta mənzilli strateji raket atıblar. Təlimlərin məqsədi hipersonik strateji silahların istifadəsi bacarıqlarını inkişaf etdirməkdir.

Kim Çen İn ölkəsinin strateji hücum imkanlarının effektivliyini və öldürücülüyünü düşmənə göstərməyin vacib olduğunu vurğulayıb. O, bu cür təlimlərin hücum gücünün qorunmasının bir forması olduğunu bildirib.

Raket testlərinin nüvə müharibəsinin qarşısını almaq üçün daha sürətli inkişaf etdirmək məqsədilə planlaşdırıldığını deyən Kim müdafiə qabiliyyətlərini gücləndirməyə diqqət yetirib.

KXDR-nin dövlət xəbər agentliyi KCNA xəbər verib ki, raket şimal-şərq istiqamətində atılıb və 1000 kilometr məsafədəki hədəfi vurub. Cənubi Koreyanın bildirdiyi məsafə isə 700 kilometr olub.

Kim Çen İn-in bacısı Kim Yo-jon sahə sınağından sonra deyib ki, Cənubi Koreya və Yaponiya hərbi orqanları raketin uçuş trayektoriyasını izləməkdə çətinlik çəkiblər.

Ekspertlər hesab edir ki, raket "Hvasong-16 Na" adlanan hipersonik orta mənzilli balistik tipə aid ola bilər. KCNA xəbər verir ki, raketin aşağı yüksəklikdə uçaraq trayektoriyasını dəyişmək imkanları var.