Kardioloq şəkər mübadiləsinin ürək sağlamlığına təsirini izah etdi

News.ru yazır ki, kardioloq Yuliya Kondalskaya ürək sağlamlığında arterial təzyiqdən əlavə şəkər (karbohidrat) mübadiləsinin, aşağı sıxlıqlı lipoproteinlərin (LDL) və piy toxumasının miqdarı və paylanmasının rolunu vurğulayıb.

O deyib ki, ürək-damar sisteminin vəziyyətini yalnız təzyiqə baxaraq qiymətləndirmək düzgün deyil. İnsan yaxşı təzyiqə malik ola bilər, lakin LDL səviyyəsinin yüksəkliyi, şəkər mübadiləsinin pozulması və qarın nahiyəsində piy artımı kimi digər risk faktorları ola bilər.

Kondalskaya bildirb ki, LDL səviyyəsinin çox olması aterosklerozun inkişafına səbəb ola bilər, şəkər mübadiləsi pozuntuları damar divarının funksiyasına təsir göstərir və qarın piyinin artması maddələr mübadiləsini pozaraq ürəyə əlavə yük yaradır.

Əvvəlcə kardioloq Nelli Peqova aterosklerozun infarkta səbəb ola biləcəyini qeyd edib. O, xəstəliyin uzun müddət simptomsuz keçdiyini və əsas problemlərin 50 yaşa yaxın özünü göstərməyə başladığını bildirib.

Peqova risk faktorları kimi artıq çəki, siqaret çəkmə, fiziki aktivliyin azlığı və qeyri-sağlam qidalanmanı göstərib.