Kanada Baş naziri Mark Carney Türkiyəni “son dərəcə mühüm” NATO müttəfiqi və geniş regionda aparıcı güc hesab edərək, Ottavanın Ankarayla əlaqələri dərinləşdirmək üzərində işlədiyini bildirib.

Toronto şəhərində jurnalistlərə danışan Carney Türkiyənin Balkanlardan Şərqi Aralıq dənizinə və Qafqaz regionuna qədər olan geniş coğrafiyada roluna diqqət çəkib.

O, Türkiyəni “bölgədə ən önəmli strateji tərəfdaşlardan və güclərdən biri” adlandırıb.

Baş nazir qeyd edib ki, Kanada ilə Türkiyə arasındakı əlaqələrin dərinləşdirilməsi prosesi artıq başlayıb, amma hələ ilkin mərhələdədir. “Biz bu münasibətləri dərinləşdirməyin ilk addımlarını müəyyənləşdiririk”, – Carney deyib.

O, həmçinin iyulda Ankarada keçiriləcək NATO sammiti üçün Türkiyəyə səfər edəcəyini təsdiqləyib və ilin sonlarına doğru yenidən Türkiyəyə səfər etmək ehtimalını qeyd edib.

2026-cı il NATO sammiti 7-8 iyul tarixlərində Ankarada keçiriləcək.