Kaliforniya Baş Prokuroru Rob Bonta FIFA-nın Dünya Kuboku biletlərinin satışında ola biləcək qanun pozuntularını araşdırmaq üçün quruma müraciət edib.

Baş Prokuror bildirib ki, bəzən bilet alan azarkeşlər sərgilənən stadion xəritəsində göstərilən kateqoriyalarla alınan yerlərin sonradan dəyişdirilməsi iddiası ilə çıxış ediblər. Onun sözlərinə görə, Kaliforniya sakinləri aldıqqları yerlərin satarken göstərilən təsvirlərə uyğun olacağına güvənməlidirlər.

2026-cı il Dünya Kuboku bilet satışlarında stadion xəritələri onlayn təqdim olunub, biletlər rənglə kodlanaraq dörd kateqoriyaya ayrılıb. Lakin "Kateqoriya 1" biletləri erkən mərhələdə "Kateqoriya 2" rəngi ilə işarələnən bölmələrdə yerləşdirilib.

Baş Prokuror Bonta FIFA-dan nə zaman xəritə dəyişikliklərinin baş verdiyini, necə dəyişdirildiyini və belə dəyişikliklər nəticəsində aşağı səviyyəli biletlər alan azarkeşlərin sayını tələb edib.

FIFA bildirib ki, təqdim olunan kateqoriya xəritələri dəqiq oturacaq planı deyil, yalnız göstəriş xarakterlidir.

Turnirin biletlərinin qiymətlərinin kəskin artması dünya üzrə geniş tənqidə səbəb olub. Biletlərin qiyməti 2022-ci ilin Qətər finalından 20 dəfə yüksəkdir və bu, çox azarkeş üçün turnirdə iştirak imkanını məhdudlaşdırır.

FIFA prezidenti Canni İnfantino bildirir ki, qiymətlər yarışın ABŞ-da keçirilməsinə uyğun müəyyənləşib. ABŞ ev sahibliyi edəcək səkkiz oyunu, o cümlədən yarımfinal və final görüşlərini təşkil edəcək.