İstanbulun anıt ağaclarının vəziyyəti akustik tomoqrafiya ilə müəyyənləşdirilir

Hürriyet yazır ki, İstanbul Böyükşəhər Bələdiyyəsinin Park və Bağlar İdarəsi İstanbul Universiteti Cerrahpaşa Meşəçilik Fakültəsi ilə birlikdə şəhərdəki minillik anıt ağacların vəziyyətini araşdırır.

İzmit Cumhuriyyət Bulvarı və Sekapark da daxil olmaqla müxtəlif məkanlarda təxminən 600 ağac ekspertlər tərəfindən vizual və fiziki baxışdan keçirilir.

Zəruri hallarda ağaclarda akustik tomoqrafiya aparılır. Bu üsulda ağac gövdəsinə yerləşdirilən sensorlar vasitəsilə səs dalğalarının ağac daxili yayılma sürəti ölçülür və gövdənin daxili quruluşu qiymətləndirilir.

Bu metodla xaricdən görünməyən çürümələr, qurumalar, boşluqlar və digər bioloji və mexaniki zədələr aşkarlanır.

Toplanan məlumatlara əsasən hər ağac üzrə texniki analiz aparılır və hazırlanan hesabatlarla ağacların baxım və qoruma tələbləri müəyyənləşdirilir.

Təxminən iki ay davam edəcək işlər tamamlandıqdan sonra hesabat aidiyyəti olan qoruma orqanına təqdim olunacaq. Məqsəd minillik ağacların mühafizəsini təmin etmək, ömrünü artırmaq və ətraf mühitlə insan təhlükəsizliyini risklərdən qorumaqdır.