İstanbulda FETÖ əməliyyatında 20 şübhəli tutulub

Anadolu Ajansı yazır ki, əməliyyat İstanbul Emniyyətinin Qaçaqmalçılıqla Mübarizə Şöbəsinin birgə işi nəticəsində gerçəkləşib.

Gizli şahidin məlumatlarına əsaslanan araşdırmalarda, Bank Asya hesabatları və ardıcıl ankesör zəng qeydləri sayəsində təşkilat üzvləri ilə əlaqəsi olan məsul vəzifədə olan 20 şübhəli müəyyən edilib.

Araşdırmalar İstanbul, İzmir, Kocaeli, Qaziantep, Kayseri və Kırıkkalə şəhərlərində paralel axtarışlarla davam etdirilib və şübhəlilər saxlanılıb.

Axtarış zamanı çoxlu təşkilati sənəd və rəqəmsal materiallar götürülüb. Tutulan şəxslər polis idarəsinə aparılıb və əməliyyatlar davam edir.