İstanbulda 9 qeyri-qanuni bahis saytına əməliyyat keçirildi

Hürriyet yazır ki, İstanbul Cumhuriyyət Baş Prokurorluğunun Təşkilatlanmış Cinayətlər Şöbəsi və İstanbul İl Jandarma Komandanlığının Kiber Cinayətlərlə Mübarizə Bölməsi birgə 9 qeyri-qanuni bahis saytına qarşı əməliyyat həyata keçirib.

Bu saytlara xidmət edən vəzifəli şəxslər — idarəçi, maliyyə, canlı dəstək, texniki məsul və ödənişdə məsuliyyət daşıyanlar — müəyyən edilərək ümumilikdə 30 şübhəli saxlanılıb.

2023-2026-cı illəri əhatə edən dövrdə şübhəlilərin hesablarında aparılan əməliyyatların həcmi 4,1 milyard lirəyə çatıb.

Əməliyyat İstanbulda başlayaraq 12 müxtəlif vilayətdə eyni vaxtda aparılıb. Saxlanılanların fəaliyyət göstərdiyi ofislərdə çoxsaylı server şifrələri, çağrı mərkəzi personalının müştərilərə verdiyi hazır mətnlər və digər rəqəmsal sübutlar götürülüb.

Həmçinin 30 şübhəliyə məxsus 505 bank hesabı və 82 kriptovalyuta cüzdanı bloklanıb. Saxlanılanların jandarmadakı izahatları davam edir.