İsrail qüvvələri Qəzzada Hamas komandirini öldürdü

Al Jazeera yazır ki, İsrail qüvvələri Qəzzada yerləşən Nassr yaşayış məhəlləsində təşkil etdiyi hava hücumu zamanı Hamas-ın şimal Qəzza qanadının rəhbəri İzz əl-Din əl-Beyki öldürüb.

İlkin məlumatlara görə, bu hücum bir mənzil binasına yönəldilib və nəticədə əl-Beyk həlak olub.

İsrail Baş naziri Benyamin Netanyahu və Müdafiə naziri İsrael Kac X platformasında birgə açıqlama verərək, hərbi qüvvələrin əl-Beyki məhv etdiyini bildiriblər.

Həlak olan əl-Beyk, İsrailin hərbi əməliyyatları zamanı Qassam Briqadalarının şimal Qəzza üzrə komandiri olub və daha öncə yüksək rütbəli komandir Əhməd əl-Qəndurun yerini tutub.